我是誰？

唔重要！大家可以叫我J MANAGER，有人可能質疑我拍YOUTUBE 出BLOG 嘅動機，首先我必須澄清，我而家唔係做緊任何一間航空公司，唔係任何一間空中服務員課程嘅員工或導師，唔係任何大家可能幻想嘅SPY，我目前喺一間本港知名企業做助理市場經理。

第一步：拍Youtube;

真係好多朋友問我大量有關我之前空中少爺嘅問題，幾個月前有一位同事嘅問題啟發咗我咁做。佢好簡單問我：其實咁好做又無咩大壓力，點解要走呢？我隨便咁答佢OK啦係囉HAHA，但係果一刻開始，我肯定自已縱使離開咗航空界，但個心仲喺度。

因為年紀問題，我已經番唔到轉頭（或者可以話機會好細），我可以為航空界付出嘅就只有我嘅經驗，如果純綷講空中服務員，呢個行業係好特別架，大部份航空公司都只會計算在任其間的經驗，好少有魚唔過塘唔肥呢個市職場術語！

例如：

• 我從前喺A航空公司做咗10年而家想去B航空公司做Inflight Service Manager （ISM）。這些機會比較少以及多數出現喺新（10年內成立）嘅航空公司。
• 我從前喺A航空公司做咗5年之後「落咗地」做幾年，而家想番娘家A航空公司。機會係比上一個例子高，但係成功機會都係好細。（除非本身Reputation 出色）。

上述例子唔係話比大家聽航空公司有年齡歧視，只係HR或者ISM真係想尋找一班性格適合公司CULTURE嘅加入佢哋，好似我呢類做過多種唔同工作，HR除咗會覺得我好JUMPPY外，更加會懷疑我唔會融入佢哋嘅文化或者適應唔到。

Culture 真係唔係三言兩語講到比大家聽，請大家繼續支持無論係BLOG又好YOUTUBE又好FACEBOOK都好，使我可以繼續分享我嘅經驗繼續發展，多謝大家！

FACEBOOK：https://www.facebook.com/j.m.ger

想成為空中服務員就一定要認識佢哋啦，呢條帶有個扣控制／LOCK住緊急逃生果條SLIDE，REMOVE BEFORE FLIGHT 意思係如果你唔REMOVE 條帶去RELEASE果個扣，條緊急逃生SLIDE就唔會有機會彈出嚟，飛行旅程就變得危險啦。