尼泊爾地震前市貌

尼泊爾昨午發生黎克特制7.9級淺層強烈地震，尼泊爾內政部今日布，死亡人數升至1805人，另有4718人受傷。（星島日報 – 1小時6分前）

尼泊爾首都﹣加德滿都，大家可能會覺得係中意攀山人士先會去，或者唔知去到有咩做。大家睇睇我幾年前嘅體驗，再考慮一下地震過後無晒外遊警告，會唔會去振興一下佢哋經濟啦！（J MANAGER 唔好玩啦，我哋搵咁少，幫得幾多吖？）
據以下網站資料，2013年香港人均GDP為US＄38797（世界排名24）， 2013年尼泊爾人均GDP為US＄646（世界排名169），咁大家明我點解話大家可以幫佢哋振興經濟啦！
http://www.phbang.cn/plus/view.php?aid=668

景點1：眼仔廟

對唔住！叫佢眼仔廟可能係對佢哋宗教有所不敬，但係我欣賞當地人任你影相，又好樂意幫你揸機影相，而相中果D遮其實係果度D餐廰，價錢可能比出面貴少少，但作為香港人去到絕對覺得超值。

這是傳統尼泊爾三餸飯，除咗尼泊爾菜，仲有好多選擇。中、西、日、泰咩都有。味道？尼泊爾菜還可以啦，但係D西餐就VERY GOOD 啦。

景點 2：睇日出及遙望喜馬拉雅山

由酒店到市內高山只需一個多小時車程，但係都要04：00AM出發至可以捕捉到呢一個MOMENT架，除咗咁大隻咸蛋黃之外，上山路上有好多星星，好似去咗太空館咁架。
對於我嚟講呢張相好珍貴，唔單止果朝係1月1日，喺果日之後，我做咗一個到而家都有少少遺憾O既決定。

壯觀嗎？當你真正企喺山上面，遠望過去，你會覺得果淡空氣都清新D，而且你會有種唔想再返嚟呢個生活壓力大，空氣質素差嘅石屎森林。無奈生活迫人，呢個諗法都係『算吧啦！』

景點 3：街頭牧場

睇完上述行程，去下一個景點途中，點解有一堆羊喺路邊架？原來係當地蓄牧業（香港可能無）嚟架，羊就同我心目中想像嘅差唔多，但係點解D牧羊人著到咁唔似我心目中果D牧羊人O既？

景點 4：尼泊爾市集

難得嚟到，一於買D手信比朋友先，我可能去錯地方啦，我去咗WET MARKET，但係呢D通心粉都好得意，又幾好食。如果佢哋可以GLOABALIZATION，我哋應該喺樓下超市會見到。

去到書店，又睇下有無嘢啱啦.........(我唔係白色衫果位叔台啊！！！！）

竟然有大量童年時回憶，相信後生嘅你哋唔知咩叫“魂斗羅“架啦！如果知道嘅朋友可唔可以分享下點解“魂斗羅“出咗咁多個SERIES嘅？


＜後記＞
雖然大家見到佢哋GDP咁低，又好似好落後咁，但尼泊爾人性情溫和，友善，知足，唔似得某D出咗名屈遊客錢嘅國家，不幸地天災將D個咁平和O既地方破壞，證明好多嘢都係注定，大家要珍惜每一刻。希望大家真係可以盡力去幫什至叫埋你認識嘅人幫下佢哋啦，多謝！