平平哋去賞櫻

第一之寫BLOG，請多多指教。

前某大本港航空公司空中少爺，現職某大企業市場支援經理，樂意分享過往自由自在嘅經歷，希望幫到大家認識呢一行，由於我已經唔係空中服務員，我可以好中立，好自由地發表我嘅意見。

200X年（唔記得咗）4月，當年第一次去東京上野公園睇櫻花，好壯觀；一個月前我去川龍（荃灣上面）唔覺意睇到「港版櫻花」，同樣都係櫻花，但係我一張相都無影到，原因係落差太遠，得罪D咁講我唔覺得值得影。

但係香港打工仔都有個通病，假期太少，如果長假期去睇賞櫻，又可能要用咗大半個月糧。如果想平平哋咁去，都唔係無辦法嘅，買廉航／另一半係空中服務員或者自已係空中服務員，都有「機會」可以平平哋去。

點解話係有機會呢？好多人都有誤解，以為一折機票真係好好。從價值上，接受一千蚊港紙(連機場稅）來回東京係扺到爆，但係呢類機票叫做STANDBY TICKET，意思係無任何人可以保證你上到機，無論去程同埋回程都存在一定風險，如果班機真係FULL咗就可能要坐下一班機番嚟啦，我自已之前喺大阪都試過上唔到機要住多晚酒店。

但係呢啲一折機票有時又真係好好用，例如喺農歷新年同埋復活節中間啲日子係比較淡嘅（平日），大家就真係可以平去啦。

所以縱使而家FAN FARES 當道，各位都唔需要太擔心。