作為空中服務員，「你」認為最重要係咩？

SAFETY？ SMILE？ CUSTOMER SERVICE？TEAMWORK？HUMBLE？SALES？

以上答案全部都啱但肯定唔係「你」認為最重要嘅元素。

「我」認為最重要嘅元素，一定係正確姿勢。

三萬幾千尺高空上，雖然機倉內係DEPRESSURIZED ，大家覺得同地上無分別，但係總氧氣會比地面少，呢個時候，我哋喺天空上面工作會好容易攰，姿勢好易由右邊果個女仔變咗左邊果個女仔，做得兩三年，問題就會陸陸續續咁出現。我好少聽到有同事提醒其他同事要注意行路姿勢，自已一定要記得無時無刻監察自已啦。

膠盤又同姿勢好有關？我100﹪保證每一個做過或者做緊空中服務員都知呢個TRAY有咩用；呢個TRAY 係平時SERVE INDIVIDUAL DRINK 即係無啦啦有個咁合作O既客話要杯可樂果D，或者要巡 CABIN 收零碎雜物果時用，呢個TRAY甚至可以保護女同事免受侵犯。但係正常操作果陣應該點攞呢？攞長果兩邊定係短果兩邊？如果大家做咗一段時間，做BUSINESS CLASS 或者FIRST CLASS 果時個TRAY 唔係膠TRAY 變咗METAL TRAY （大約重三四倍），到時如果姿勢唔啱，手，膊頭關節、腰同埋脊髓都會勞損，後果可以好嚴重，痛楚會跟一世嘅。所以大家記住正確姿勢為攞住長O既兩邊，當要SERVE 的時候，條腰要儘量90度。(如下圖）

大家做呢D正確姿勢開初一定會好唔慣，但係做咗一段時間你哋就會覺得真係好有用架啦。