唔少未做過o既人眼中，空少係另一類夢寐以求o既工作，因為空少可以唔洗點做，又搵到D錢，又可以同唔同o既女仔周圍去，過住多采多姿O既生活。
如果有朋友抱住呢個心態入嚟，結果可能會令到你哋十分失望!
以下列出十個原因，想大家知道作為一個男Crew，究竟會面對咩問題呢? (呢個只係綜合唔同男Crew 意見，並不代表我全部立場)
1.) 唔Gentlement.
作為男士應有行為，例如Lady first, 幫同事拉門，幫同事處理重型物件。
<實際情況為: 港男多數無呢個意識，但係如果有人開到聲一定會幫，但係咁樣就會比人話唔夠Gentlement啦。>
2.) 唔helpful / 懶
呢個主要講緊工作上，例如自己生得好高但又唔幫D同事手關Overhead compartment/ 做完Service 掛住食唔出去幫手。
<實際情況為: 同事因為有好多 Individual Order 要處理，未能抽空去關Overhead compartment/ 當做完Service，會有D阿姐叫D細o既食飯先，又基於異性相吸，有D阿姐會中意同個男同事一同食一路傾，咁因為男同事要招呼自己上司所以未能第一時間出去幫手，但係咁樣就會比人話唔helpful / 懶啦。>
3.) 咸豬手
首先希望大家真係能夠保持克制唔好咸豬手人啦。今次案發地點主要係Galley，都常耐唔使就聽到有同事話:小心D阿邊個邊個呀!
<實際情況為: 先排除有心術不正O既同事先。Galley 係一個好窄O既地方，有時候做嘢要快:例如飛台北果D，個幾鐘要做咁多嘢。肢體碰撞在所難免，有幸當年J Manager遇到大部分好同事，大家都明做嘢啫唔係有心。不過如果各位咁唔好彩遇到另一類同事，咁就會比人話咸豬手啦。>
4.) 寸
J Manager 本人當年正正面對呢個問題啊。跟女性同事共事有一樣嘢好得意O既，佢哋唔想你悶，最好你可以搞下GAG。可惜本人一係唔搞一搞就好易得罪人Lu。
<實際情況為: 好似我自己為例，當年都係想喺每日Routine o既工作尋找/為大家帶來歡樂，大家笑下笑下開開心心又一日，但可能有時講得太盡，咁就會比人話寸啦。>
5.) 是非精
男Crew都會係是非精?係架，真係有男同事被人講到自己係是非精，但通常會被誤會為金手指。
<實際情況為: 又係同一個問題，異性相吸，阿姐有時會問男同事覺得邊個邊個做成點，或者阿姐又會同男同事講是非。我眼見十個有八個男同事都係正常o既，即係唔會加插自己意見落去，佢要講就由得佢講，不過呢個世界咩人都有，有好多人知D唔知D就係咁，亂咁話人金手指，好無辜地，男同事就會比人話是非精啦。>
6.) 慘被隔離
喺Outport，未做過或者唔清楚呢行O既人就會諗，你哋D 男Crew正吖，咁多女仔陪你哋食飯陪你哋玩。
<實際情況為: D allowance 咁浮動，有唔少同事(不論男女)都會選擇 Lock and Seal O既行動，即係鎖上酒店房門，自己困住喺入面直至夠鐘Report為止，無他O既，一嚟去過呢度十九幾萬次，二嚟果個月放AL 收入少，三嚟........總知有好多唔同因素下令佢哋唔會出嚟。而想一齊出去純粹聯誼一下O既同事變得被Lock and Seal - 即係一個人出去，一個人食飯，一個人Sight seeing。>
7.) 女神跟機師在一起
有男同事曾經同我講佢同女朋友一齊咗N年，自從女友識咗個機師，佢哋就散咗啦。
<實際情況為: 女讀者們第一個反應一定係:果個唔係我囉，唔好亂講播!男女感情事我係好差，我唔識講，上述案例亦可能係冰山一角，不能以偏蓋全。不過如果單單從最表面條件嚟講，機師係比空少受歡迎，大家睇衝上雲霄就知啦! 但係空少如何可以比到女朋友信心，空少們懂的 。>
8.) 被機師無視
又有男同事曾經同我講佢做空少係諗住考機師，但係D機師好似唔係好想同佢講考機師D嘢咁。
<實際情況為: 唔好寄望每一個人都想分享自己O既事，佢哋無責任去解答呢D問題，呢D嘢佢哋人工唔包架(喺佢哋角度)，肯幫大家考機師O既都係一班大好人，祝大家好運可以遇到啦 。>
9.) 被人話無出色
男同事有時(我當時都試過)比人話成世做Crew 無前途，浪費時間。
<實際情況為: 除非你哋自己本身係專業人士，如醫生，律師，會計師等等，否則的話，所謂出面O既世界，出面O既機會都未必會比你，。你自問肯捱肯搏，唔怕蝕底，可以出番嚟行所謂有前途O既路，但係真係要諗清楚，出咗去真係未必番到轉頭架。>
10.) 為退休生活擔心
男同事會話，將來成家立室，咁早退休點搵幾百萬養小朋友啊?
<實際情況為: 我好欣賞人哋咁講，因為工作只係生命O既一部分，但係家庭就係生命O既全部，或者可以理解為出到去，好彩的話，公司無架構從整可以一路做到60歲，但係日日OT，AL 雞碎咁少日，老細迫你做咩你就無Say咁做，難道這樣的人生比45/55歲退休好嗎?>
總括而言，做男Crew其實有好多嘢要避忌，有好多嘢要諗清楚，希望未入行O既可以有呢D心理準備，做緊O既當面對決定時真係諗清楚啦!
J Manager
.jpg)
