「感激我遇見」最終一回

仲記得自己其實三年前已經以做某航空公司嘅空姐為目標。一直自己努力搜集資料，上論壇睇blog睇facebook page睇書，真係諗得出嘅
都做晒。原因只有一個，就係希望自己可以一畢業就達成夢想。直到最近幾個月前，隨著final year接近尾聲，我終於鼓起勇氣一次過apply晒本地三間航空公司嘅FA。

大約幾個月後，眼見身邊嘅朋友都已經有得interview嗰下個心真系沉左，到我終於收到哩間航空公司打黎嘅interview call，嗰一下真係既興奮又緊張!!! 就喺哩個時候，我上討論區見到「有心人的禮物」，㩒左入去睇，原來係好多段教fa interview嘅影片，咁當然即刻瘋狂睇晒佢啦！睇完晒一系列嘅片之後覺得"哩個J Manager講嘅野又幾中point喎"，特別係講final interview 嘅部分，講嘅point非常啟發到我，於是我就上左facebook去搵J Manager個page睇下有無更多資料啦。上到去發現原來佢係有開班教學，而且時間唔長，最緊要係價格相宜(sorry 講到好似賣廣告lol)，所以就立即搵左J Manager問有關上堂嘅野。 記得當時其實情況真係好趕，最近嗰一班嘅第一堂嘅日子就喺我first interview嘅前一日，然而仲有另一個好大嘅考慮就係怕萬一幸運有final interview而日子早過第二堂的話，咁米浪費左? 同J Manager講左哩一個情況後，佢提出可以先上第一堂，第二堂可以之後再決定。

如是者，決定左報讀後好快就到左上堂嘅日子啦。J Manager知道我第二日就要面試，所以特登將原本安排喺第二堂嘅EA調左過黎第一堂俾我做一次，真係非常細心。做完EA就啱啱好配合到上堂嘅時間，上堂嘅氣氛係輕鬆，但心情係緊張嘅，因為真係模擬到first in嘅感覺，做完mock interview後，J Manager會俾到好多feedback我地，無論係針對我地嘅答案，態度，表情定姿勢，佢都會俾到評語。仲有就係佢推介嗰隻眼線真係好好用！到左first in當日，我感覺到自己真係非常幸運，因為多得前一日上左J Manager嘅堂，整個interview process竟然好似倒模咁進行一次。最震驚嘅係，連題目都中埋！再加上我四萬咁口嘅笑容(J Manager前一晚千叮萬囑叫我唔好黑面xd)所以first in就非常順利咁渡過左啦！:)

一個星期後，到左上第二堂嘅日子，非常幸運地，第二日就係final interview。J Manager亦因為咁俾我選擇上adrenaline course，等我有更詳盡嘅final in準備。黎到哩一part，容許我講多次，J Manager真係好有心！成個mock final in過程大約一個鐘，問左五十幾條問題，竟然大部分都係度身訂造嘅，宜家諗返其實嗰兩條模擬情境題唔知係米都係特登為我而設lol
仲記得嗰一個星期一直都處於非常緊張嘅狀態，根本專注唔到，所以mock時候嘅表現唔太理想，但J Manager會好細心喺事後咁同我研究問題嘅重點，我答問題時候嘅方式同方向應該有咩改進，大概就係因為多得佢夠細心為我準備左咁多，我先可以打到一個咁好嘅底去迎接final interview，而且整個過程亦非常順利咁完成！

宜家從頭諗起，真係好慶幸可以遇到J Manager。我覺得自己可以咁順利喺心儀嘅航空公司得到offer，除左係有運氣，亦應該要多得有J Manager作為我背後最強大嘅後盾！所以最後好想衷心講一句，J Manager 好多謝您！

「感激我遇見」6

<原文＞

Dear J Manager

我係每次去到各航空公司final in

便卻步，嘗試想尋找自己失敗原因

我係曾上過坊間的空姐班

但發現大班教學

只空講技巧

但無針對過個人問題

後來經朋友介紹

認識了j manager

睇過網上j manager youtube教學片段

發覺詳細地講述面試細節及如何處理

以過來人的經驗教大家如何答題目

發覺好大幫助

即管抱著一試心態

價錢合理

j manager由於小班教學

仲好認真過group in&final in

令我重拾面對壓力時應該怎樣做

而j manger都會給予個人的評價

對我很有幫助

特別是final in

1Vs 1 一小時的mock final interview

他non stop根據cv問問題

Non stop地模仿interviewer會如何根據你答的問題追問下去

令你身如真正戰埸的壓迫感

當然事後給予的評價

是會令您不斷進步

當我真正final in時

發覺自己俾上一次，

更有信心及笑容去面對

每次經驗令我邁向成功多一步

Never Give Up

Be Positive

「感激我遇見」5

自大學畢業後7年來，我嘗試過不下十數次應考各大小航空公司既空姐，都

苦苦唔成功，而呢幾年來一直累積左唔同行業既履歷，似乎越來越加深我考上

空姐既距離。今年已經踏入30，其實對各航空公司interview已經麻木，明明個

心死左一半，但係身體總會不由自主走去面試。今年6月份，好不容易我又進入

到久違既魚翅公司final in, 心裡覺得又出現一線曙光，對final in 不容輕視，於是

上網周圍搜尋final in 問題與答案，偶然係論壇見到有人出post推薦佢一個做過

空少既朋友好熱心好幫到手，呢個就係我認識J Manager既契機。

其實當初我只係想徵詢J Manager一o的好難答既問題答案意見，點知佢好

熱心咁了解埋我既背景同履歷，而當佢睇過我個咁繁複既CV之後，竟然即時

send左個power point比我，上面畫住佢提議我可以點present自己履歷既time

line，而對於我向佢提出既每一條final in問題，佢都好仔細咁每條問題既答案都

會比翻o的建議我，所有野都只係發生於我初次透過fb想徵詢佢某幾個答案既建

議。對於J Manger既熱情同樂於幫助人既心，我當時真係有好深刻既印象。對

萍水相逢，素未某面既人，佢都樂於幫助至此，全因為佢同我講過既一句說話

，佢認為空中服務員係一個值得去做既行業，佢想盡量幫多o的人成功入行，佢

既熱情確實令人好感動。

好喇，當劇情發展大家都認為我是次魚翅Final in 係咪終於大團圓結局，成

功考上既時候，個答案係…都係失敗左既XD 空姐面試既野，一命二運三風水，

你就算萬事俱備，都要有埋運既配合，先可以成功既。不過!!! 經過J Manger 事

後既安慰同鼓勵，而且再重整我既面試策略同答案，我終於係8月份，成功為另

外一間航空公司錄取，而且係我更心怡既一間公司，考左咁多年，我終於都成

功喇。依家就係等梗去on board training 既階段。踏入30，先考上空姐，縱然內

心有o的不安，都好珍惜我被賜予個機會可以一嘗所願，當然，亦都好感激與我

萍水相逢既J Manger，祝福佢係將來既日子，繼續幫助更夠有心既同學成功踏

上空中服務員之路。

J Manager Class Warm Up Class (Overseas)

各位，呢個班有別於平時我教D班，首先有幾個特色大家要留意：

1: 收費特平：新同學：$250 ／ COURSE； 舊同學：$150 ／ COURSE
   
因應番大家喺今年9月尾而特設的預備班，收得平只係因為唔會有太多INDIVIDUAL 元素喺入面，另外，因為面試複雜程度低，所以都唔好意思收得貴，當係認識大家啦

2:時間特短： 約1.5小時至2小時

主要原因唔係J MANAGER搵唔到資料，而係調番轉大家要諗下，搵資料責任係邊個呢？J Manager 一向教同學一套自我成長，自我進步嘅方法！J Manager 提供model answer 大家跟住答其實仲簡單過而家J Manager 度身設計每人教法。但係背model answer 到時係咪真係背得熟呢？或者到時係咪真係問呢個問題呢？所以我唔會刻意拖長我D course，希望大家欣賞呢點

3:讀完係咪一定請？

唔係！如果身邊有朋友抱住呢個諗法，最好叫佢唔好參加，免得第日考唔到屈我個course（當然我試過比人屈過啦）。大家讀完呢個短課程，係會比較有明確方向去準備今次面試！

4: 有朋友參加咗，到時佢話比我聽點IN咪得囉

而家好中意講兩句就話開group add 阿邊個邊個，其實好危險，尤其而家咁多電話騙案！如果你認為呢個course 係無咩特別只係由J Manager 好似YouTube 咁講講講，咁你就錯晒啦！你哋Practical 時間一定多過我講，呢D至係J Manager 任何課程嘅優勢！

再有其他間題，歡迎直接用FB問我吖，時間所餘無幾，快D參加啦！

「感激我遇見」：4

感激我遇見……

能成為空服，身穿漂亮整齊的制服，到世界各地旅遊，相信是很多人的夢想。 

有人第一次投考便成功，像我這些運氣不好，可能考數次也碰壁。每次面試失敗，我都會檢討失敗原因，當然也不少得上論壇參考有經驗者的意見。在兩個多月前，一次機緣巧合的情況下，我在討論區其中一帖，看到 J  manager 上載到youtube的連結，內容十分詳盡，由First in到 Final in的過程以及注意事項都清楚說明，而且頻道會時常更新。平日在論壇、討論區看到的資訊都以文字為主，拍成片段講述，對我來說倒是相當新穎，最重要是不用看大堆文字!

更重要是，J manager開了一個fb account，只要把他加為朋友，有甚麼不明白的地方，都可以請教他。每次他的回覆都十分詳盡，從中我亦感受到他樂於助人的性格，畢竟他也有自己的工作，但他仍花上時間和精神拍攝片段上載youtube及解答大家的問題，就是因為他秉持著那份助人的熱誠，實在難能可貴。

所以，我真的很感激能遇上你，讓我在追尋自己的夢想時，不會孤立無援。在未來的面試，還要靠你多多提點啊！最後以一幅你曾在FB上載過的照片作終結。希望你能幫助更多的人成功通過面試，達至你的理想吧!

「感激我遇見」: 3

Dear J Manager,

上了你的課令我明確知道自己不足，可以縮窄改善方向，更集中去進步。
另外，你的課讓我可體驗接近實況面試的練習，讓我更知如何預備。
而上你的課和擔任助手，讓我認識很多同路人，這鼓勵了我不要放棄。
上你的課亦讓我有信心可以成功，因為發現了只要找到方向，加上努力，成功考上並不是想像般困難！
認識J Manager是一件好的事情！

J Manger New course - Fundamental

空姐空少：大部份年青人都想成為一份子，甚至可以稱為追逐夢想。

現實世界往往唔係童話故事，好多人會面對不同挫折，有人會選擇放棄、堅持或者從地勤開始。

Fundamental Course 正是講解「從地勤開始」

 

目標：透過課程令大家清楚明白地勤工作及簡單進行面試練習，報考前應先了解將來工作環境，面對怎樣的困難，就業前途！

內容： 1. 小組討論（Practical) : 某些公司可能進行多輪面試，最常見為小組討論！

             2. 演說部份（Lecture): Job Duty, Case Study, Customer Service, Career Path

             3. 分享部份 （Sharing): Resume , Ground staff grooming

             4. 最終面試 （practical): 根據課堂所吸收及對行業認識進行簡單1對1模擬面試

人數：3-5人

導師： J Manager And Partner

課程長度：2.5 － 3小時

收費：$300 

報讀條件：Grade E in English of  HKCEE/ Level 2 in English of HKDSE

優惠：2015年12月31日前報讀本課程：二人同行95折；三人同行9折；

                                                                      四人同行85折；二人同行8折；

常見問題：

1.我自己喺Forum都搵到晒D資料啦，點解要比錢上堂？

A：Forum當然係找資料的第一點，但大部分資料為Raw Data, 可能唔夠齊全又可能唔夠update. 另外正如我自己YouTube 片一樣，唔可以用一套理論apply去所有人身上，真係未見過真人都唔知問題出現喺邊度！上堂好處就係可以有系統地準備面試，針對各人問題提供tailor made意見。

2.人哋話只要去考ground就一定請，又駛咩比錢比時間嚟上堂？

A：係咪一定請我就唔知！假設上述Statement成立，我想重申Course Objective: 除咗增强各位面試信心，最重要係比大家清楚自己見緊咩工！！！！！

試想想如果你quit咗份工，做咗Ground Staff，做咗幾個月先清楚份工做緊咩，原來跟Expectation 有落差，咁樣⋯⋯⋯⋯已經再唔係果幾百蚊問題，除咗花咗幾個月之外，最大件事到時候嘅決擇！

3.點解FA 班咩優惠都無，呢個班咁多優惠？

A：有上過FA班尤其為rescue class 嘅同學都睇得出J Manager 花咗好多心機比每一個同學，可以咁講revolution 系列每一個班本身都係超值（雖然還有好多未上過堂嘅同學都抱有懷疑態度），至於Fundamental course 係咪代表mark up 我同樣唔覺，只係主流思想認為做Ground 係唔洗任何Preparation 去咗interview 請咗先再諗做唔做，我認為呢套思想係存在問題，所以才會破例提供優惠！

「感激我遇見」: 2 part 2

經過first in見識到其他candidates個個都有好好準備，英文好，而且亦有笑容。我相信而家每位candidate基本都會上網爬文做準備，知道咩應該做咩要避忌。再加上眾所周知final in係最tough最難過既一關，10個人final in可能得1－2個人會成功，問心個句我實在無信心可以係佢地之中突圍。抱著咁多既擔憂下，我決定去埋J man新開既adrenaline class。一對一針對性，價錢合理（同樣學生負擔得起），還掂我nothing to lose，最多半年後又係一條好漢！（怒）

J man事前在三叮囑我要準備多啲final in既題目，原來佢會根據你既CV度身訂造一堆（係一！大！堆！）模擬final in會問既問題。真係幾有挑戰性，即使我有準備過都有點吃不消。答得辛苦之餘，仲發覺自己有好多地方都答得唔好。由於我要改善既地方可能實在太多，不自不覺間又overrun都到離晒大譜。其實我都有點唔好意思（果日係星期日）， 但少女問題天天都多，何況係有問題既問題少女（唔好意思。。。），所以果日我由離開課室開始行，到去到地鐵站都仲捉住J man 問同討論一啲難答問題最好既答法。（其實完左都有keep住問）我諗如果換轉第2個，應該直接走左人。

其實上完個下硬係覺得有啲嘢掌握到唔到信心沉底，後來我返到屋企比左一日時間自己消化，有一下突然諗通啲嘢。我覺得成個adrenaline course 除咗可以畀我練習final in對答之外，最重要係可以幫到我調整自己心態。自己有邊啲特質係適合FA，或者邊啲特質會令自己扣分，經過adrenaline course後係會清楚地show左出來，因為一對一睇到既野一定係最多。我覺得adrenaline既精髓就係呢度，當自己知道自己要突顯同收埋啲咩，就自然知道啲題目要點答，狀態自然會好。（講到好似好深奧咁，總之經歷過就會明）

果然！final in 個日先係戲肉。其實本身都唔算好緊張J man又好好咁叫我relax地做到最好，而我都預鬆左一個鐘去到。但最始料不及既竟然係因為文件問題幾乎見唔成！個下真係方寸大亂，感覺猶如出師未捷身先死。尤其是見呢啲工，first impression最重要，我未入房見已經輸左first impression，等於輸左一大半。準備左咁耐，衰係啲咁既野手上，個下真係想喊。咁諗住同J man講sorry嘥咗佢一番心機，佢聽到後一直叫我唔好放棄，重新調整狀態等等，我記得佢當時講咗句令我重燃少少希望既說話：有危必有機。如果我可以面對如此難關時臨危不亂表現淡定，可能會有更好既印象。（PS當然唔好專登咁做）聽完之後我漸漸定返啲。係等見（等死）嘅期間，我不斷深呼吸同做J man提點我做既野，希望可以挽回番多少分數吧。

到最後又驚又險之下總算完成左final in，而家諗返起都嚇餐死。好彩身後有強大既團隊－J manager（咁屋企人都好重要），係成個過程中比咗唔少提點同鼓勵我，當有事既時候即刻可以提供緊急支援，個人真係會定好多好多。所以能夠完成到interview，無論得唔得，我都好感激你地真心、唔計較對我既付出，而今次將會成為我一個很難忘既經歷。

當然，我都好希望係不久嘅將來我會成為一位真正既FA。

P.S. 至於神奇地有BC call就係後話啦，J Man既response都好正......想知多啲detail既可以自己問J man HAHA~

To J manager: 咁有passion既導師，坦白講我咁大個女真係第一次見。面對咁多問題既我，都不厭其煩，耐心一一解答，而且更會主動去關心每個學生既情況。相信背後準備同所付出既心力一定比我想像來得多。有幸成為你學生，我真的感到相當榮幸。呢篇BLOG，就當係表達我少少既謝意。（你成日話我個人太誠實，所以我講既都係真心話黎haha）感謝你讓我成功圓夢。祝願你往後能幫助更多人圓更多夢。加油！

「感激我遇見」: 2 part 1

我係今年新鮮滾熱辣既fresh graduate，今年22歲。好幸運地，啱啱係呢個星期收到BC CALL。作為一個Fresh Grad，第一次就可以過五關斬六將，可以完成到呢個過程，圓自己從小既夢想，到依家都開心到好似發緊夢咁。

事實上，我最初真係對自己一點信心都沒有，雖然我都算係一個樂觀既人，但始終岩岩畢業，搵工返工經驗唔多，所以做起上來成日都戰戰兢兢，仲有好多甩漏添（對我嚟講，今次見工過程真係峰迴路轉到好似坐緊過山車咁！）。之所以能夠1 take pass，最感激既人除咗我爸爸之外，就係J Manager啦！每一個人既第一份工都特別有意義，所以我想係呢度將過程記錄低，作為紀念。

成為香港三大AIRLINE之一既FA係我畢業後既目標，所以投考之前，我去咗一啲外國AIRLINE既open day walk-in諗住攞下經驗，自己FRESH GRAD 既英文應該可以輕鬆入到second in甚至更遠去經歷多啲既。但結局大家都可以想像，我first in 都過唔到。晨咁早起身化妝整頭搭個半鐘車去到再呆等四個鐘，最後只係同interviewer講左3分鐘就完咗。

見過世面後，我明白到對手之強更突顯自己不足，當時的確有少少失落。不過都算係一件好事來既，因為今次令我更清楚，下次當我去見香港既AIRLINE既時候，我一定要準備得更充足同要做得更好，先有機會過多幾關，斬多幾將。（一直唔敢奢望可以一次成功...）

正當我開始努力上網爬文既時候，Whatsapp group（FA candidates好興開group交換情報）突然有個女仔問有冇人有興趣報J manager 既course？邊位？於是我上網睇下，見佢個BLOG都有好多資料，價錢又唔係好貴（學生負擔得起），心諗一試無妨，就報咗佢個class。（我當時係一堂過3.5－4hr）

本身我係抱住會有一大班人聽個talk咁輕鬆嘅心態，但一去到原來係得四個人既小班教學！心諗咁正既？成個class過程當然無聽talk咁輕鬆，但practice makes perfect，親身感受由first in到final in既過程，有interviewer同candidates一齊做比任何一種練習模式都要實際。我先了解一個FA所需嘅特質，唔係單單講緊英文咁膚淺既東西，好多野係可以準備。我其實幾鍾意呢個上堂模式，小班令大家更集中，SIR比comment更針對性，而完左每一part即刻evaluate亦可以俾我更深刻既印象。

 J Man比我既印象係一個溫文有禮，細心，認真得黎又有啲搞笑，相處上黎舒服唔會好有壓力既導師。上完第一堂就令人相信佢能夠帶領學生走向成功，係因為其實佢對我哋既準備工夫做得好足，事前會問我哋攞CV，改好晒都上堂比comment你。而且上堂唔會話一夠鐘就停我哋完，佢又真係會關心每一個學生，傾到overrun到離晒譜都唔介意。OK我承認完左之後仲會whatsapp佢問長問短，好彩冇嫌我煩。（我係問題少女haha）

戰戰兢兢地（即使試過一次感覺係實在啲，但其實都會好緊張！），我總算過左first day interview既部份，去到final in要打大佬既時刻。

「感激我遇見」: 1

「感激我遇見」J Manager:

「我」
是Student 001, 還認得那天晚上在網上尋找機艙服務員面試的資料，無意中找到了你連結的Youtube教學分享，一直把所有看完。最初給你溫柔的聲線吸引，一直看著的時候，發現你認真的付出和努力令我印象深刻，由於我的工作面對不同的人太多，怎能相信現在還有這麼一位熱心的人，我不得不找他facebook聯絡，留個言，告訴他 「我十分欣賞你，嘉許你的付出，說聲謝謝雖不能表達我對你的尊敬，但還是想真心的跟你說聲謝謝」，不久，J Manager熱情的回覆，表示他感到很高興！為什麼我叫Student 001?很簡單， 因為我是他的tutorial class第一個報名的學生!


「感激」
J Manager, 感激你對我的問候和關心令我再次振作起來，給予我信心迎接下一次的面試！
感激你認真地拍了這麼資料豐富的教學影片，這是我看過最具資料性，最具有效性及最完善的教學影片！
感激你總是在我低落的時候抓我一把，告訴我：「你一定得的！」
感激你有這份熱誠，這個教學念頭，令我有了方向，也認識到一個亦師亦友的J Manager!


「遇見」
很多人報讀課堂會先了解很多資料，但我沒有，甚至在堂上教什麼內容等等，所有資料我沒完全收集好，就主動在J Manager的facebook留言要參加他的課堂，我很快就作出決定，理由如下:
- J Manager的熱誠
- 課堂時間短而重點加強訓練
- 費用相宜
如是者，我就跟另外幾位同學第一次見傳說中聲線文質彬彬的J Manager.
真人真的很溫文有禮，也帶點幽默，細心得來回到樓上樓下接同學到課室，弄到自己身水身汗，還笑笑口跟同學打招呼，安排課堂的事。課堂雖然短短幾小時，十分緊湊，細節在他的facebook可找到。我最想分享的是J Manager給每一個學生的Final In環節，他頓時變得嚴肅，猶如真正的Final In,他為每個學生認真地寫出每part的意見及建議，看他一個人忙著在整理同學的總結，那時已經接近晚上十二時了，令我很欣賞J Manager的耐心，是我遇見最有熱誠的導師！

致「J Manager」
我明白這條教學路是你的心血，記得你總是提起說要準備這樣，安排那樣，到那裡去取得最新資料等，為的是給你的學生，有心投考機艙服務員的朋友圓夢。俗語話「一個人走得快，一班人走得遠」，我希望成功考上後加入成為你的團隊一份子，因為熱誠的人有很多，會無私分享的，就只有你----Mr. J Manager

「我」「感激」「遇見」J Manager💖

J Manager Revolution - 3. J Manger Revenge Course

J Manager Revolution - 3. J Manger Revenge Course

J Manger Revenge Course

Revenge 意思為復仇，當遇到挫敗時，首先會覺得自已唔好彩或者覺得自已無用，會好失落，又會成日都講如果XXX就好啦；過咗一段時間開始接受咗就會諗自己有邊度邊度做得唔好，積極的人就會諗我下一次可以邊度邊度做好D去Revenge今次嘅失敗，相反有另一類人，就會決定：算啦，或者真係唔適合我呢／或者個天都唔想我成功呢，我都係認命啦！

Revenge Course Step 1: 要令各位重新振作，提升各位士氣

                            Step 2: 要令大家回想當日interview 所有細節

                            Step 3: 會即時提出大家當日失分地方

                            Step 4: 會提議可以進步的空間

課程會1 on 1 全力心理輔導，務求幫大家找到Root causes。

45分鐘快速，令各位自信心大增，應付將來面對O既FINAL INTERVIEW ／ RE FINAL INTERVIEW以及提供方法令各位進步．

Offer

$250

場地位置：筲箕灣

時間：協定

J Manager Revolution - 2. J Manger Adrenaline Course

J Manger Adrenaline Course

Adrenaline意思為腎上線素，腎上腺素是在迴避恐懼或危險時所分泌的荷爾蒙，一旦腎上腺素進入血液中，心跳和血壓會立即增加、專注力上升、更加清醒，肌肉也變得更有力量；腎上腺素還會影響到腦部以外的身體各臟器，特別是心臟以及肌肉。

Adrenaline Course 當然唔會有真正Adrenaline injection 啦，只係用呢個字嚟比喻上完呢堂大家就會狀態十足，未對挑戰。

呢個係我回應唔少朋友需求而設O既 course，只會1 on 1 全力集中FINAL IN 問題，全方位就住你哋份RESUME發問，亦都會出現你哋所謂最難／唔知點答好O既問題。

1小時速效，令各位自信心大增，應付即將面對O既FINAL INTERVIEW ／ RE FINAL INTERVIEW．

課程包括：Resume Scrapping; 4 times more mock up final in Qs than Rescue course, Summary and Recommendation.

Offer: 

My student : $350 $400

New student: $400 $500

場地位置：筲箕灣

時間：協定

注意：此課程目的為全面提升各位相對實力及狀態，並不保證1 take pass。

J Manager Revolution - 1. J Manger Rescue Course

J Manager 皇牌課程Rescue Course

兩晚課程，能更仔細比到RECOMMENDATION，比到方向大家去進步，最重要為比到大家兩次機會去表現自己。

1．）跟之前的分別，於grooming recommendation 有大進步 ，final interview suggested answers. 另外兩晚課程各位可以吸收更多，不會好TOUGH 好多嘢塞入袋。。。。

2．）今次已經唔止小班教學，簡直係MINI CLASS 教育，2﹣4人就開到班啦！

3．）地點已移師到筲箕灣，唔駛好似之前咁大家放學唔知點走

4．）收費合理，2日課程合共只需＄600。$800
DAY 1 ：Resume/first round interview/ grooming*
DAY 2  : Mock up final interview / EA*
*actual content schedule would subject to change.
大家為咗要知更多，一定要嚟上堂啊！

Grooming篇：溫「大red唇」

好耐無同大家見面喔，我係thinkerBell!
上次我哋講咗關於頭髮嘅部份，講完頭不如就講下個嘴啦。首先同大家分享下阿bell我買嘅唇膏ssss：（冰山一角）

「返工可以用」成為咗我不停買唇膏嘅藉口！

講番去面試應該查乜嘢唇膏呢？ ---紅色！ 無得輸！

其實冇特定嘅一個standard有幾紅，最基本偏紅，或者紅、或者好紅或者非常之紅。




粉紅色得唔得呢?一啲珊瑚色系嘅粉紅就冇問題，我哋平時返工通常都係呢啲顏色嘅，不過作為新人個嘴當然係越紅越有人讚啦！

有乜嘢顏色唔建議用呢？其實除咗紅色之外嘅顏色。太淺嘅顏色nude色望落去個人好似生病，無血色；太過橙色同紫色都唔建議，除非要襯返套制服。如果隻紅色係鮮橙紅/螢光pink/太粉嫩好卡哇伊嘅粉紅，就因為比唔到人哋一個成熟端莊同專業嘅感覺，咁就唔建議大家使用。

總之個direction就係「大red唇」啦。





--ThinkerBell

Behind the scene

10 Jun 2015 19:40

Start of J Manager tutorial class 1 (Pilot class)

對於香港航空界，一D衝擊都無，但係對於J Manager 嚟講，開心程度簡直就如好多年前收到XX airline HR 小姐通知我有BC一樣咁興奮!

Class content:

好開心有新朋友Facebook 詳細問我個Course 係點，感到有興趣! 對唔住之前無好詳細咁同你哋講主要因為我怕你哋會覺得我Hard sell課程（雖然能力上我做到，不過我唔會做），係一個Sales 而Unfriend 我，如果大家真係想再知多D，我就用BLOG 呢個平台同大家講啦！

<J Manager Tutorial Class 1>
10Jun15

1910 - 1930 : Early comer start Listening test
1940 - 1950 : J Manager Introduction + Inside Secrete from Travel Expo
1950 - 2000: Part 1 : Introduction of your partner
2000 - 2020: Part 2: Marketing plan
2020 - 2045: Part 3: Role Play
2045 - 2100: Break
2100 - 2330: MIracle part; Mock 1 vs 1 interview ; EA; grooming sharing. J Manager review the whole night performance individually.
2330 - 2345: sharing of group discussion skill; Q & A ; souvenir distribution.
2345: Fair-well my 'students'

<Behind the scene>
Around 6-8 Jun 2015
Source and organize the EA test.

Around 8-9Jun 2015
Review, commend,re-organize the resume. Think of mock up 1 vs 1 interview individually. 8 different set of questions.

11 Jun 2015
Correct all the EA, provide overall comment and send back the individual paper to each candidate.

開心原因：

1．終於可以做到公開但高度私隠。

由各位睇youtube, add J Manager Facebook,問J Manager 問題都係公開，唔需要任何登記或條件。當呢個班出現，J Manager 會確保每個同學的資料保密，所有Resume 不留底，所有電話號碼不公開，課堂上無錄影同學包括我自已個樣。

2．終於有人欣賞創意工業

現階段我唔會拉長我嘅課程，因為我覺得無必要，同埋失去咗創意，8位第一期O既同學報名前基本上唔知有咩Content，所以我真係好感激佢哋支持！

3．達到目標

當初舉辦呢個課程純綷發現大家睇Youtube Facebook 問問題，能夠幫到大家增加Basic Knowledge，但係點樣可以令大家進步，利用上述方法都係做唔到，就算我哋用FACEBOOK合作成點都好，一齊由一份Jumppy Resume 串連成一個完整故事都好啦，始終未見真人真係比唔到好中o既Comment，今次八位都話比我聽佢哋係知道點樣可以更進一步，我真心覺得多謝！

4. 保持質素

如果你曾經因為遲咗報第一班而比我reject and recommend 去第二班，首先要同你講唔好意思，因為我一定要保證我D學生係最大得益者，所以Full咗就真係Full咗啦！

5．今日師徒，明日夥伴

有個同學仔上堂同我講覺得我塊Board 印得好唔專業out focus，我梗係唔專啦，我專業係令大家進步嘛，於是我咪invite 佢幫我設計第二堂o既board 同埋J Manager Logo 囉，另外大家都有交到問卷比我，提點咗我好多可以進步o既地方，我收到晒，會睇下點做架啦！

多謝大家，希望有緣見面!

《傳說中的空姐頭》

今次grooming主題係講紥髻。男士們，唔好意思了。

傳說中嘅空姐頭，正式叫French Twist。呢個頭話難唔難話易唔易，只需要工具一個：法國梳或U-pin數枚。呢個髮型好靚不過都好容易亂，一定要落hairspray 喔！


（圖片1:法國梳。呢隻梳比阿Bell用到叉都斷左1枝）

（圖片2: 以下會示範如何梳出French Twist髻）

我哋好快會有條片教人點樣紥french twist，大家記得留意我地youtube channel ~


而大部份時間為咗方便工作，大部份嘅crew都鍾意紥一隻冬甩髻，既方便又快捷。
紥一隻完美嘅冬甩可以晌市面上搵到一個叫做「海綿寶寶」嘅神器。首先綁一條馬尾，再將頭髮放入海綿寶寶，卷好再用小髮夾固定。法網絕對唔少得。



（圖片3: 環保關係，阿Bell用小襪子做咗一個海綿寶寶）

好了，如果真係手殘到不行，仲有一個方法，就係買以下呢一種帶髮網嘅蝴蝶夾。綁一條馬尾，再將所有頭髮放喺髮網裏面即可。頭髮短或者髮量小嘅朋友會發現髮網嘅形狀唔夠圓，我通常會用一個法寶，令佢成為一隻圓潤嘅髮髻。你地估到係乜野法寶嗎？
（圖片4:蝴蝶結髮網）

最後要留意有冇d baby hair好似天線得得B咁樣飛曬出來，記得gel下佢啊！

--ThinkerBell 🔔